Шөнийн харанхуйг чимэх гэж

Үзэсгэлэнт цолмон тэнгэрт гийдэг юм

Өөрийнхөө зүрхний гүнийг тэмтэр гэж

Хорвоо ертөнц надад чиний хайрыг бэлэглэсэн юм

Урсгал дөлгөөхөн харц чинь цаанаа л нэг увидастай

Унтах нойрыг минь мөрөөдлөөр сольж одно

Улаахан янаг уруулыг чинь өөрийн болгож тамгалья

Үүрд минийх л гэж ганцаар өмчлөөд, чамайгаа хайрлья

Төгөлдөр хуурын сайхан аялгуу сонсох шиг

Инээмсэглэл чинь одоо миний амьдрал

Төрсөн биенээс чинь өнгө өнгийн цэцэгс дэлгэрээд

Чи хавараар дэлбээлсэн бурханы бэлэг

Урсгал дөлгөөхөн харц чинь цаанаа л нэг увидастай

Унтах нойрыг минь мөрөөдлөөр сольж одно

Улаахан янаг уруулыг чинь өөрийн болгож тамгалья

Үүрд минийх л гэж ганцаар өмчлөөд, чамайгаа хайрлья